Veðurstofan hefur gefið út appelsínugula veðurviðvörun á höfuðborgarsvæðinu fyrir eftirfarandi tímasetningar:
– Miðvikudaginn 5. febrúar frá kl. 14:00 – 00:00
– Fimmtudaginn 6. febrúar frá kl. 03:00 – 17:00
Mikilvægt er að foreldrar fylgist með nýjustu veðurspám á vedur.is eða öðrum fjölmiðlum þar sem þær geta breyst hratt án þess að þær verði uppfærðar á heimasíðu eða facebook síðu skólans.
Við biðjum foreldra að kynna sér leiðbeiningar frá almannavarnanefnd en þar kemur m.a. fram að forsjáraðilar meta sjálfir hvort fylgja þurfi börnum í og úr skóla eða frístundastarfi. Mikilvægt er að forsjáraðilar hafi í huga að röskun getur einnig orðið á frístundastarfi og skipulögðum æfingum í lok skóladags og þurfa þeir að fylgjast með tilkynningum frá íþróttafélögum vegna þess og sækja þá börn í skólann eða frístund ef íþróttastarf eða aðrar tómstundir falla niður.
Við appelsínugula veðurviðvörun leyfir skólinn að nemendur fari sjálfir heim eða í tómstundir eftir skóla, ef þeir eru vanir því, en ef foreldrar óska eftir því að þeirra börn verði EKKI send sjálf heim eða með tómstundarútu þá þarf að hafa samband við ritara eða frístund, eftir því hvaðan þau eiga að fara, og láta vita af því.
Forsjáraðilar þurfa að hafa í huga að einhver röskun getur orðið á skólastarfi vegna veðurs á fimmtudagsmorgun ef spár ganga eftir og ef það tefst að fullmanna skólann. Almennt er skólastarf ekki fellt niður við appelsínugula viðvörun jafnvel þó einhver röskun geti orðið á eðlilegu starfi sem fyrr segir.
Leiðbeiningar frá almannavarnanefnd https://vefur.shs.is/wp-content/uploads/2023/02/ALM-vedurbaeklingur-forsjaradilar-IS-011122.pdf
Leiðbeiningar á ensku https://vefur.shs.is/wp-content/uploads/2023/02/ALM-vedurbaeklingur-forsjaradilar-EN-241122.pdf
Leiðbeiningar á pólsku https://vefur.shs.is/wp-content/uploads/2023/02/ALM-vedurbaeklingur-forsjaradilar-PL-241122.pdf